Էգգ-նոգ՝ ամանորյա ըմպելիք

Բաղադրիչներ
կաթ — 0,5 լ
սերուցք — 400 մլ
ձու — 10 հատ
շաքարավազ — 200 գր
վանիլին — 2 թ/գ
աղ — 1 թ/գ
մշկընկույզ (мускатный орех) — 1 պտղունց

Քայլերի հաջորդականություն
Ձուն հարում ենք հարիչի օգնությամբ՝ աստիճանաբար ավելացնելով շաքարավազն ու աղը:

Ստացված զանգվածը լցնում ենք կաթսայի մեջ, ավելացնում ենք 0.5 լ կաթ և խառնում ենք: Ապա կաթսան 25-30 րոպե դնում ենք թույլ կրակի վրա՝ շարունակելով խառնել:

Կաթսան հանում ենք կրակի վրայից, ավելացնում ենք սերուցք, վանիլին և մշկընկույզ, ապա խառնում ենք, որպեսզի ստացվի միասեռ զանգված:

Կոկտեյլը լցնում ենք բաժակների մեջ ու 30 րոպե թողնում ենք սառնարանում:

Մատուցում ենք սառը վիճակում՝ ցանկության դեպքում ավելացնելով քերած շոկոլադ կամ մշկընկույզ:

Բարի ախորժակ